Misy ireo te hifankatia, misy ny mifankatia, misy ny nifankatia... Fahasoavana andrandraina, hasambarana lalaina, tsiahy hotantaraina...

Ilay fitiavako

 

Andriamanitra ô! Mivavaka,

Miangavy anao hanavaka

Izay havako any izay

Halaviro antsojay

 

Raha sendra mafy ady

Omeo hery, ho tomady

Hijoro hatrany, hatoky tena

Tsy ho kivy, hanantena

 

Raha tojo ankasomparana

Mivalo aho, asio fiangarana

Izy Ray atao mahery

Ka handresy, tsy hisy fery

 

Raha tsy azo idifiana

Ny  lalan-tsarotra, kisila

Izy Tompo omeo ny tsotra

F’izaho no handia, hanefa trosa

 

Aza izy, Ray malala

F’izaho irery atao mahalala

Izay mety ho fahasarotana

Izy ambino fanavotana

 

Misaotra Tompo, midera anao

F’ianao mitahy, tsy mandao

Hitsinjo, hitantana ilay havako

Hany itoeran’ny fitiavako

 

Antso